Charta qua Constantius et uxor ejus Elisendis vendunt monasterio Cluniacensi vineam in villa Siniciaco.
In nomine Dei, ego Constantius et uxor mea Elisendis vendidimus domno Lantberto monacho raxiam unam de vinea, in villa Siniciaco, quam in Arengias vocant, et terminatur de duabus partibus terra Sanctę Marię de Bellomonte, de alia via puplica, et de alia terra Sancti Mammetis, et accepimus solidos V; et faciant monachi de Cluniaco quicquid facere voluerint, cui preest domnus Odilo abbas. S. Constantii et uxoris ejus, qui fieri et firmare rogaverunt. S. Constantii et Grimaldi, filiorum illorum. S. Adeloldi presbiteri. S. Petroni. S. Bovonis. S. Arberti. S. Arenberti. Actum Belmonte. Warnerius scripsit, regnante Rotberto rege.